गुप्तेश्वर महादेव बहुमुखी क्याम्पसको साधारण सभा तथा अधिवेशन कार्यक्रम सम्पन्न

पोखरा, बैशाख २७ गते आइतबार, गुप्तेश्वर महादेव बहुमुखी क्याम्पसको १६औं साधारण सभा तथा छैटौ अधिवेशन कार्यक्रम आइतबार सम्पन्न भएको छ । क्याम्पसका पूर्व अध्यक्ष तथा सल्लाहकार प्रा.डा. टंकराज अधिकारीको प्रमुख आतिथ्यतामा भएको कार्यक्रममा उहाँले क्याम्पसले अनुसन्धानको क्षेत्रमा प्रगति गरेको देख्दा आफुलाई खुसी लागेको कुरा व्यक्त गर्नुभएको थियो । उहाँले क्याम्पस शैक्षिक केन्द्रको रुपमा स्थापित हुदै गएको बताउनु भएको थियो । क्याम्पसले भौतिक विकासका साथ नयाँ नयाँ कार्यक्रमहरु सञ्चालनमा जोड दिनुपर्ने कुरा समेत उहाँले बताउनु भएको थियो ।