गुप्तेश्वर महादेव क्याम्पसको साधारण सभा सम्पन्न

पोखरा, पुष ५ शुक्रबार, गुप्तेश्वर महादेव बहुमुखी क्याम्पसको १५ औ साधारणसभा शुक्रबार सम्पन्न भएको छ । संस्थापक सल्लाहकार तथा शिक्षासेवी पिताम्बर शर्माको प्रमुख आतिथ्यतामा सम्पन्न भएको कार्यक्रममा प्रमुख अतिथिको मन्तव्य राख्दै उहाँले नेपालको वर्तमान शिक्षाप्रणालीले देशको उत्थान गर्न नसकेको कुरा बताउनु भएको थियो । वर्तमान अवस्थामा रोजगारीमुलक तथा जिविकोपार्जन गर्न सक्ने शिक्षा प्रणालीको विकास हुन पर्ने बताउनु भएको थियो । राजनीतिले शिक्षा सुधार गर्न नसकेको समेत उहाँले बताउनु भएको थियो । क्याम्पसको नतिजा तथा विकास देख्दा क्याम्पस उत्कृष्ट मार्गमा रहेको विश्वास व्यक्त गर्नुभएको थियो ।