पोखरा, भाद्र १३ गते, गुप्तेश्वर महादेव बहुमुखी क्याम्पस, पोखरामा तीज गित प्रतियोगिता सम्पन्न भएको छ । क्याम्पसमा अध्ययनरत विद्यार्थीहरु विच गरिएको प्रतियोगितामा प्रथम स्थान हासिल गर्न सफल वी.एड्. तेस्रो वर्षको समुह भएको छ भने दोस्रो स्थान हासिल गर्न वी.वी.एस्. तेस्रो वर्षका विद्यार्थीको समूह सफल भएका छन् । त्यसै गरी उक्त कार्यक्रममा तेस्रो स्थान हासिल गर्न वी.वी.एस. तेस्रो वर्ष र वी.एड्. प्रथम वर्षका विद्यार्थीहरुको समूह भएका छन् ।
कार्यक्रमको सभापतित्व अतिरिक्त क्रियाकलापका संयोजक शिक्षक दुर्गानाथ पौडेलले गर्नुभएको कार्यक्रममा प्रमुख अतिथिका रुपमा क्याम्पस प्रमुख धर्मराज बराल रहनु भएको थियो । उहाँले वर्तमान समयमा तीज गितहरुमा छाडापन देखिएकाले आफ्नो धरातल विर्सन नहुने कुरामा जोड दिनुभएको थियो । कार्यक्रममा सहायक क्याम्पस प्रमुख मोहन भण्डारीले शुभकामना मन्तव्य राख्नु भएको थियो ।
कार्यक्रममा स्वागत् मन्तव्य अतिरिक्त क्रियाकलाप समितिका सदस्य शिक्षक तारानाथ भण्डारीले गर्नुभएको कार्यक्रमको सञ्चालन शिक्षक योगराज शर्माले गर्नुभएको थियो ।
