पोखरा, असोज ४, गुप्तेश्वर महादेव बहुमुखी क्याम्पस, पोखरामा उत्प्रेरणा तथा अभिमुखीकरण कार्यक्रम शुक्रबार सम्पन्न भएको छ ।
स्नातक तह, व्यवस्थापन सङ्काय, सेमेष्टर प्रणाली अन्तर्गत भर्ना भएका विद्यार्थीको लागि उक्त कार्यक्रमको आयोजना गरिएको थियो । आ.क्यू.ए.सी. प्रमुख राजकुमार सुवेदीको सभाध्यक्षतामा भएको कार्यक्रममा सहजिकरण प्रा.डा. प्रदिपचन्द्र गौतमले गर्नुभएको थियो ।
प्रमुख अतिथिका रुपमा रहनुभएका क्याम्पस प्रमुख धर्मराज बरालले विद्यार्थीलाई अवको चार वर्ष भित्र क्याम्पसमा रहि आफ्नो भविष्य उज्जवल बनाउन क्याम्पसको तर्फबाट पर्याप्त अवसर प्रदान गरिने कुरामा जोड दिनुभएको थियो । उक्त विद्यार्थीहरुको लागि अबको चारवर्ष के–के विषय अध्ययन गर्ने, प्रयोगात्मक परीक्षाको बारेमा र क्याम्पसको आचार संहिता सम्बन्धी जानकारी समेत प्रदान गरिएको थियो ।
उक्त कार्यक्रममा वि.एच.एम. कार्यक्रम संयोजक जितेन्द्र थापा र वी.आइ.एम. संयोजक सुरेशकुमार बरालले समेत विषयगत सहजीकरण गर्नुभएको थियो । कार्यक्र सञ्चालन सहायक क्याम्पस प्रमुख मोहन भण्डारीले गर्नुभएको थियो ।
